Titania (Mond)
| III Titania | |
|---|---|
| |
| D'Titania, ufgnumme vu Voyager 2 | |
| Zentralchörper | Uranus |
| Eigeschafte vum Orbit | |
| Grossi Halbax | 463.300 km |
| Periapsis | 462.512 km |
| Apoapsis | 464.088 km |
| Exzentrizität | 0,0017 |
| Bahnneigig | 0,08° |
| Umlaufzitt | 8,706 Däg |
| Middleri Orbitalgschwindigkeit | 3,87 km/s |
| Physikalischi Eigeschafte | |
| Albedo | 0,28 |
| Schinbari Helligkeit | 13,0 mag |
| Middlerer Durchmesser | 1577,8 km |
| Masse | 3,526 · 1021 kg |
| Oberflächi | 7 800 000 km² |
| Middlere Dichti | 1,71 g/cm³ |
| Siderischi Rotation | 8,706 Däg |
| Axneigig | 0,0° |
| Fallbeschlünigung an dr Oberflächi | 0,378 m/s² |
| Fluchtgschwindigkeit | 800 m/s |
| Oberflächetemperatur | 83 K |
| Entdeckig | |
| Entdecker | Wilhelm Herschel |
| Datum vu dr Entdeckig | 11. Jänner 1787 |
| Amerkige | bundeni Rotation |
D' Titania (au „Uranus III“) isch mit eme Durchmesser vu 1578 km dr gröscht Mond vum Planet Uranus un nooch im Neptun sinem gröschte Mond Triton dr achtgröscht Mond im Sunnesystem.
Si isch am 11. Jänner 1787 vum Wilhelm Herschel entdeckt worre. Dr Herschel het guet vier Johr devor dr Uranus entdeckt. Alli Mönd vum Uranus sin uf Figure vum William Shakespeare oder vum Alexander Pope daift. D'Titania isch in im Shakespeare sinem Summernachtsdrüm d'Chenigi vu dr Elfe. Die erschte vier entdeckte Uranusmönd (Oberon, Titania, Ariel, Umbriel) sin vum John Herschel, em Suhn vum Entdeckers, daift worre.
Bahndate
[ändere | Quälltäxt bearbeite]D'Titania umchreist dr Uranus ime middlere Abstand vu 463.300 km in guet 8 Däg un 17 Stund. D'Bahn wiist e liichti Bahnexzentrizität vu 0,0017 uf un isch guet 0,08° gegeniber em Äquator vum Uranus gneigt.
D'Titania rotiert in 8 Däg un 17 Stund au um die eige Ax un wiist demit, wie dr Erdmo, e bundeni Rotation uf.
Ufbau un physikalischi Date
[ändere | Quälltäxt bearbeite]D'Titania het e Durchmesser vu 1578 km un isch demit numme chnappi 50 km grösser wie dr zweitgröscht Mond vum Uranus, dr Oberon. Iberhaupt ähnle sich die beide Mönd starch. Ihri middleri Dichti betrait 1,71 g/cm3 un ihri relativ hochi Albedo 0,28; säll heisst 28 % vum igstrahlte Sunnenliecht werre vu dr Oberflächi reflektiert. Die ring Dichti un die hoch Albedo len vermuete, dass d'Titania us ca. 50 % Wassereis, 30 % silikatischem Gstei un 20 % Chohlestoffverbindige, wie bispilswiis Methan, bestoht.
Die middler Oberflächetemperatur betrait -190 °C. An dr Oberflächi betrait d'Schwerbeschlünigung 0,378 m/s2, säll entspricht numme 4 % vu dr irdische.
D'Titania isch bim Vorbiflueg vu dr Rümsonde Voyager 2 photographiert un vermesse worre. S'uffälligscht Merkmal vu ihrer Oberflächi isch e risige Canyon, wo degege dr Grand Canyon uf dr Erde winzig wirkt. Vu sinere Usdähnig isch er mit dr Valles Marineris uf em Mars oder Ithaca Chasma uf em Saturnmond Tethys vergliichbar.
Medie
[ändere | Quälltäxt bearbeite]
Commons: Titania – Sammlig vo MultimediadateieWeblink
[ändere | Quälltäxt bearbeite]- Uranus' Known satellites (engl.)
|
Dä Artikel basiert uff ere fräie Übersetzig vu dere Version vum Artikel „Titania_(Mond)“ vu de dütsche Wikipedia. E Liste vu de Autore un Versione isch do z finde. |